佇烏暗的路頭 ◎向陽

佇烏暗的路頭

Tī oo-àm ê lōo-thâu

　——為《渭水春風》所寫

　——Uī "Uī-tsuí tshun-hong" sóo siá

◎向陽 Hiòng Iông

佇烏暗的路頭我看著你

Tī oo-àm ê lōo-thâu guá khuànn-tio̍h lí

映目的形影像花蕊

Iānn-ba̍k ê hîng-iánn tshiūnn hue-luí

恬恬靜靜開佇夜世界

Tiām-tiām tsīng-tsīng khui tī iā-sè-kài

月娘也著閃一邊去

Gue̍h-niû iá tio̍h siám tsi̍t pinn khì

佇烏暗的路頭我看著你

Tī oo-àm ê lōo-thâu guá khuànn-tio̍h lí

茫茫的前途才來見著天

Bông-bông ê tsiân-tôo tsiah lâi kìnn-tio̍h thinn

我的人生因為你來重寫

Guá ê jîn-sing in-uī lí lâi tîng-siá

我的世界因為你才甘甜

Guá ê sè-kài in-uī lí tsiah kam-tinn

佇這個亂世咱雙人牽手

Tī tsit ê luān-sè lán siang-lâng khan-tshiú

吟唱美麗的歌詩

Gîm-tshiùnn bí-lē ê kua-si

坎坷的路途從今有光

Khám-khia̍t ê lōo-tôo tsiông kim ū kng

烏暗的路頭我會永遠陪你

Oo-àm ê lōo-thâu guá ē íng-uán puê lí

・2010年9月10日音樂時代劇場《渭水春風》在國家戲劇院首演（冉天豪作曲，殷正洋、洪瑞襄演唱）

——《行旅》，九歌出版

"Hîng-lú"

【註解】tsù-kái

原副標為：「為《渭水春風》而寫」，為了台語朗讀將「而」改成「所」。

佇（tī）：在

烏暗（oo-àm）：黑暗

路頭（lōo-thâu）：路途、路程

看著你（khuànn-tio̍h lí）：看到你。著（tio̍h），表示動作之結果，相當於華語「到」。

映目（iānn-ba̍k）：顯目

花蕊（hue-luí）：花朵

恬恬靜靜（tiām-tiām tsīng-tsīng）：安安靜靜

月娘（gue̍h-niû）：月亮

也著（iá tio̍h）：也必須

見著天（kìnn-tio̍h thinn）：見到天

這個（tsit ê）：【教】這个（tsit ê）

咱（lán）：我們，包括聽話者

【作者紹介】tsok-tsiá siāu-kài

向陽，本名林淇瀁，台灣南投人，1955年生。文化大學新聞碩士，政治大學新聞博士。

捌任自立報系總編輯、總主筆、副社長，台灣文學學會理事長、吳三連獎基金會秘書長、國立台北教育大學台灣文化研究所教授、國家文化藝術基金會董事長。現此時是國立台北教育大學名譽教授。

1970年代開始創作台語詩，是當代台語文學的先鋒。捌著國家文藝獎、吳濁流新詩獎、美國愛荷華大學榮譽作家、玉山文學獎文學貢獻獎、台灣文學獎新詩金典獎、金曲獎傳藝類最佳作詞人獎、教育部「推展本土語言傑出貢獻獎」。

著作有詩集《十行集》、《四季》、《亂》、《向陽詩選》、《向陽台語詩選》、《行旅》；囡仔詩集《我的夢夢見我在夢中作夢》、《鏡內底的囝仔》(台語)、《春天的短歌》；散文集《旅人的夢》、《寫字年代》、《臉書帖》；學術論文《書寫與拼圖：台灣文學傳播現象研究》、《場域與景觀：台灣文學傳播現象再探》、《照見人間不平：台灣報導文學史論》等50外種。

【美麗的台語詩分享】

今天要分享的是向陽老師詩作的〈佇烏暗的路頭〉，意思是「在黑暗的路途」，收錄在老師的詩集《行旅》（九歌出版 @chiuko_book） 。這是一首為音樂劇《渭水春風》所創作的詩作，所以也有音樂歌唱的版本。這首詩以優美的筆調刻畫了互相扶持的情感，在黑夜中，留下了最深情的凝視與陪伴，非常動人。

在1970年代，最早以台語來創作現代詩的詩人，就是向陽老師和已故的林宗源老師。在戒嚴年代，本土語言被打壓成「方言」，1970年代甚至禁止原住民牧師使用母語講道、沒收台語白話字聖經，在這樣的時空背景下，母語創作不但邊緣，更是危險。

即使環境艱困，即便向陽老師在華語創作與理論也有斐然的成績與相當地位，他也沒有中斷為母語發聲，對於母語創作的推廣更是不遺餘力。向陽老師將他於今年國家語言會議的發言分享在Facebook上：

向望有一工，咱臺灣的每一个人攏會當用家己的語言講：

「我愛我的國家，我喙舌所講的，就是我心所愛的國家語言！」

（希望有一天，我們臺灣的每一個人都可以用自己的語言說：「我愛我的國家，我舌頭所講的，就是我心所愛的國家語言！」）

向陽老師的創作豐富，網路上可以找到許多老師親自朗讀的精彩作品，包含同樣為《渭水春風》所創作的另一首台文詩——〈世界恬靜落來的時〉，還有不同的歌唱版本，也推薦大家可以一起來欣賞！

《行旅》則是一本包括台語和華語的詩集，收錄了11首台文詩，和1首台華混合的詩。也推薦給台語、華語詩作都喜歡的閱讀者喔！

＊感謝向陽老師授權分享

連鞭是暗暝 ◎Salvatore Quasimodo 薩爾瓦托雷・夸西莫多

 

連鞭是暗暝 Liam-mi sī àm-mî

◎Salvatore Quasimodo（薩爾瓦托雷・夸西莫多）

每一个人攏孤單，佇地球的心

Muí tsi̍t ê lâng lóng koo-tuann, tī tē-kiû ê sim

日頭的光線貫迵過

li̍t-thâu ê kng-suànn kǹg-thàng--kuè

連鞭，就是暗暝

liam-mi, tsiū sī àm-mî

【註解】tsù-kái

連鞭（liam-mi）：馬上

暗暝（àm-mî/mê）：夜晚

个（ê）：個

攏（lóng）：都

佇（tī）：在

日頭（li̍t/ji̍t-thâu）：太陽

貫迵過（kǹg-thàng--kuè）：貫穿、穿過

就是（tsiū sī ）：也可以唸「tō sī」、「tiō sī」

【義大利文原文】I-tá-lì-bûn guân-bûn

Ed è subito sera

◎Salvatore Quasimodo

Ognuno sta solo sul cuor della terra

trafitto da un raggio di sole:

ed è subito sera.

【作者紹介】tsok-tsiá siāu-kài

薩爾瓦托雷·夸西莫多，義大利詩人、翻譯家，1959年諾貝爾文學獎得主，作品被稱作「以古典的熱情表達我們時代的人生悲劇之抒情詩」。他所屬的流派為「Ermetismo」，荷米斯主義／赫爾墨斯主義（英文：Hermeticism），為20世紀義大利的文學運動，以希臘化時代的傳說人物「荷米斯．崔斯墨圖」命名。此派別以法國頹廢派為榜樣，以隱晦、隱密的風格來寫作，通常使用不易理解、晦澀難懂的比喻，並作為反抗法西斯文化束縛之手段。

李敏勇老師華語翻譯：

https://art.ltn.com.tw/amp/article/paper/505875

【如果這首詩是台語詩】

今天分享的是義大利詩人Salvatore Quasimodo（薩爾瓦托雷・夸西莫多）的短詩〈Ed è subito sera〉，台語譯作〈連鞭是暗暝〉，意思是「馬上是夜晚」。

Salvatore Quasimodo是1959年的諾貝爾文學獎得主，作品被稱作「以古典的熱情表達我們時代的人生悲劇之抒情詩」。他所屬的流派為「Ermetismo」，荷米斯主義／赫爾墨斯主義（英文：Hermeticism），為20世紀義大利的文學運動，以希臘化時代的傳說人物「荷米斯．崔斯墨圖」命名。此派別以法國頹廢派為榜樣，以隱晦、隱密的風格來寫作，通常使用不易理解、晦澀難懂的比喻，並作為反抗法西斯文化束縛之手段。

李敏勇老師曾為此詩作華語翻譯和解析：

https://art.ltn.com.tw/amp/article/paper/505875

（義大利文subito可以翻作「馬上」或是「突然」，李敏勇老師翻「突然」之意。）

鏡咧眠夢 ◎曾美滿

 

鏡咧眠夢 Kiànn leh bîn-bāng

◎曾美滿 Tsan Bí-buán

拄睏醒的面

Tú khùn-tshínn ê bīn

攬鏡對照

Lám kiànn tuì-tsiàu

沙微沙微的眼神

Sa-bui sa-bui ê gán-sîn

雄雄瞭著

Hiông-hiông lió tio̍h

走馬燈踅玲瑯的

Tsáu-bé-ting se̍h-lin-long ê

戲齣

Hì-tshut

人生，不過是清醒的眠夢

Jîn-sing, put-kò sī tshing-tshénn ê bîn-bāng

夢，是鏡內啄龜的醒

Bāng, sī kiànn lāi tok-ku ê tshínn

開燈拭光，鏡

Khui-ting tshit-kng, kiànn

沙微的目睭，看迵

Sa-bui ê ba̍k-tsiu, khuànn-thàng

夢中，清醒人生

Bāng tiong, tshing-tshénn jîn-sing

——《你佇風中行來》，九歌出版

"Lí tī hong tiong kiânn--lâi" 

【註解】tsù-kái

咧（leh）：在、正在。表示正在做某事，後接動詞、形容詞。

眠夢（bîn-bāng）：做夢

拄（tú）：剛剛

醒（tshínn）：也可以發「tshénn」

面（bīn）：臉

攬鏡（lám kiànn）：拿著鏡子

沙微（sa-bui）：瞇眼，眼睛微微閉合

雄雄（hiông-hiông）：突然

瞭著（lió tio̍h）：瞄到。瞭（lió），眼睛快速掃過，瞄一下。著（tio̍h），表示動作之結果，相當於華語「到」。

踅玲瑯（se̍h-lin-long）：繞圈子

戲齣（hì-tshut）：戲碼

啄龜（tok-ku）：打瞌睡、打盹

目睭（ba̍k-tsiu）：眼睛

看迵（khuànn-thàng）：看穿、看透

【作者紹介】tsok-tsiá siāu-kài

筆名阿蠻，臺灣雲林人，國立中正大學台文所畢業。作品曾獲台灣文學獎台語新詩創作金典獎，台文戰線文學獎台語詩頭獎，雲林文化藝術獎新詩首獎，小說首獎及報導文學獎，台中文學獎台語詩第一名，桃城文學獎台語現代詩第一名及華語詩獎。教育部閩客文學獎教師組台語現代詩獎，台南文學獎台語現代詩獎，打狗鳳邑文學獎台語現代詩獎等。

首本華語詩集《月光女孩》入選「雲林縣作家作品集」。

台語詩集《你佇風中行來》獲國藝會創作、出版獎助。

《你佇風中行來》是一本以政治受難者視角或社會弱勢為創作書寫之詩集，詩人閱讀文獻、搜集資料，以溫柔的筆觸與豐富的情感，以詩為載體，記錄了台灣重要的歷史。 

【美麗的台語詩分享】

今天要分享的是曾美滿老師 @meimantseng 的詩作〈鏡咧眠夢〉，意思就是「鏡在做夢」，收錄在老師的詩集《你佇風中行來》（九歌出版 @chiuko_book ）。詩作的筆調優美、具有哲學思考，以照鏡來觀看自身和思索人生。人生是什麼？人生如夢，透過鏡子，人們看到自己、看到浮生若夢的人生。

《你佇風中行來》是一本以政治受難者視角或社會弱勢為創作書寫之詩集，美滿老師以溫柔的筆觸與豐富的情感，以詩為載體，記錄、回應了這些台灣重要的歷史。

同名詩作〈你佇風中行來〉記錄了鄭南榕的故事，以遺孀葉菊蘭女士的視角來發聲，溫柔而哀戚，也在2025年世界母語日被總統朗誦分享，未來也預計分享這首詩，透過註釋，讓更多人有辦法理解詩作的內涵。

此本詩集有註釋，邀請有台文基礎閱讀能力、想要理解更多台灣歷史的朋友，可以一起來閱讀，有些歷史悲傷、痛苦，卻不該被遺忘。

＊感謝曾美滿老師授權分享

聖經・雅歌 ◎巴克禮版

你的目睭呣通看我，因為會奪我的心神。

Lí ê ba̍k-tsiu m̄-thang khuànn guá, in-uī uē tuat guá ê sim-sîn.

雅歌 6:5

Ngá-ko

——《聖經》，巴克禮主持翻譯

——"Sìng-king", Pa-khik-lé tsú-tshî huan-i̍k

【註解】tsù-kái

目睭（ba̍k-tsiu）：眼睛

呣通（m̄-thang）：【教】毋通（m̄-thang），不可以

會（uē/ē）：腔調差別可唸「uē」或「ē」

【白話字】Pe̍h-uē-jī

Lí ê ba̍k-chiu m̄-thang khòaⁿ góa, In-ūi ōe to̍at góa ê sim-sîn.

Ngá-ko 6:5

【說明】suat-bîng

《聖經》〈雅歌〉的寫作年代約在公元前 10 世紀（約西元前 971–931 年），傳統上被認為是由所羅門王在其統治時期所寫的愛情詩歌集。

1930年，台語聖經《Sin-Kū-Iok Ê Sèng-Keng（新舊約的聖經）》完成翻譯，並在1933年在台灣發行，為英國長老教會的宣教牧師湯瑪斯・巴克禮（Thomas Barclay）主持翻譯，又稱為《白話字聖經》，以台文系統之一的「白話字POJ」書寫而成，白話字為傳教士所創造和推行，1865年傳入台灣，也被教會以外的台語母語者使用，留下許多白話字的文學作品與文獻。

1970年代政府實施國語政策，全面禁止使用白話字，並沒收教會的白話字聖經。1990年代臺灣政治及社會自由化後，白話字在臺灣才開始恢復生機。2006年，教育部根據白話字修改成更接近國際音標IPA的拼法，推行「臺灣台語羅馬字拼音方案」，簡稱「台羅」，也就是目前教育部台語辭典使用的拼音系統。

此白話字聖經亦有漢字版本，名為《聖經─台語漢字本》，也是這篇聖經金句使用的漢字版本，聖經漢字與教育部漢字略有不同，為民間使用許久的「在來字」系統。民間使用的「在來漢字」歷史悠久，有慣用字但無統一標準，因此有些漢字會有不同的寫法。

現行「教育部推薦漢字」在2007年開始推行，是政府為方便推廣教育而制定統一的台文「正寫法」，有些繼承在來字，有些則另有選擇，並編纂《教育部臺灣台語常用詞辭典》，教育部推薦漢字，在註解中以【教】列出補充，供讀者參考。

關於台文的不同寫法，詳情可見臉書粉專【塗豆仁學台語】的文章：https://reurl.cc/dpGWZg

台語聖經介紹：

https://reurl.cc/Wb5GQx

【美麗的台語詩分享】

今天要分享的是很古老的詩歌，為公元前10世紀，以色列王國的所羅門王所寫的愛情詩歌集〈雅歌〉，也是基督宗教的經典《聖經》中的一卷。此台文版本的《聖經》在1930年完成，由英國長老教會宣教牧師的湯瑪斯・巴克禮（Thomas Barclay）主持翻譯，又稱為《白話字聖經》，1933年在台灣發行，至今已有將近百年的歷史，目前仍然在台語教會中使用。

不過這本台文版《聖經》也不是最早的翻譯版本，1873年已有台文翻譯的《聖經》。順道一提，最早以台灣語言翻譯的《聖經》為西拉雅語。

說到台語《聖經》，就不得不提台文的發展歷史。此版本使用的台文系統為「白話字POJ」，白話字為傳教士所創造和推行，1865年傳入台灣，也被教會以外的台語母語者使用。「POJ」是「白話字」的台語拼音「Pe̍h-ōe-jī」的縮寫。

後來，教育部根據白話字修改成更接近國際音標IPA的拼法，推行「臺灣台語羅馬字拼音方案」，簡稱「台羅」，也就是目前教育部台語辭典使用的拼音系統。

此白話字聖經亦有漢字版本，名為《聖經─台語漢字本》，也是這篇聖經金句使用的漢字版本，聖經漢字與教育部漢字略有不同，為民間使用許久的「在來字」系統。民間使用的「在來漢字」歷史悠久，有慣用字但無統一標準，因此有些漢字會有不同的寫法。

台文的系統眾多，細說起來有點複雜，以上也只是簡略的介紹。

回到文句本身，在我們面前的，可是一句存在近百年的台語詩句呢！

五日節

 

唸謠 Liām-iâu

五日節，縛肉粽，

Gōo-li̍t-tseh, pa̍k bah-tsàng,

肉粽好食𩚨閣芳，

bah-tsàng hó-tsia̍h khiū koh phang,

五日節，扒龍船，

Gōo-li̍t-tseh, pê-lîng-tsûn,

龍船比賽拚冠軍。

lîng-tsûn pí-sài piànn kuan-kun.

食肉粽，看龍船，

Tsia̍h bah-tsàng, khuànn lîng-tsûn,

大人囝仔笑吻吻。

tuā-lâng gín-á tshiò-bún-bún.

【註解】tsù-kái

五日節（Gōo-li̍t-tseh）：端午節，又稱「五月節（Gōo-gue̍h-tseh）」、「肉粽節（Bah-tsàng-tseh）」。

縛（pa̍k）：綁

好食（hó-tsia̍h）：好吃

𩚨（khiū）：Q，食物軟而有彈性

閣（koh）：又

芳（phang）：香

扒龍船（pê-lîng-tsûn）：划龍舟

拚（piànn）：拼

食（tsia̍h）：吃

囡仔（gín-á）：小孩

笑吻吻（tshiò-bún-bún）：微微地笑

出處：

臺南市私立福祺幼兒園台灣母語日教材

https://fuchi.topschool.tw/Custom/02200

【端午節台語唸謠】

今天來應景唸個端午節的台語唸謠，端午節因為在農曆五月五日，它的台語可以叫「五日節 Gōo-li̍t-tseh」、「五月節 Gōo-gue̍h-tseh」或「肉粽節 Bah-tsàng-tseh」，依腔調差異，「日」可以唸「ji̍t」，「節」可以唸「tsueh」。

唸謠是一種因為字數安排、押韻和音韻產生具有節奏的說唱藝術，台語因為聲調豐富，唸起來很有音樂感呢！

祝大家端午佳節愉快，肉粽節快樂！

畫眉 ◎路寒袖

 

畫眉 Uē bâi

◎路寒袖 Lōo Hân-siù

天星迒過小山溝

Thinn-tshinn hānn-kuè sió suann-kau

伊的影綴著泉水流

I ê iánn tuè tio̍h tsuânn-tsuí lâu

流到咱兜的門跤口

Lâu kàu lán tau ê mn̂g-kha-kháu

咱捧著星光啉落喉

Lán phâng tio̍h tshinn-kng lim lo̍h âu

啊，冰冰涼涼感情相透

Ah, ping-ping liâng-liâng kám-tsîng sio-thàu

雲為山咧畫目眉

Hûn uī suann leh uē ba̍k-bâi

有時淺淺有時厚厚

Ū-sî tshián-tshián ū-sî kāu-kāu

雲雖然定定真𠢕走

Hûn sui-jiân tiānn-tiānn tsin gâu tsáu

山永遠佇遐咧等候

Suann íng-uán tī hia leh tán-hāu

啊，兩个注定做伙到老

Ah, nn̄g-ê tsù-tīng tsuè-hué kàu lāu

我是雲，你就是，你就是彼座山

Guá sī hûn, lí tsiū-sī, lí tsiū-sī hit tsō suann

顧著你驚你受風寒

Kòo tio̍h lí kiann lí siū hong-kuânn

我畫目眉你斟酌看

Guá uē ba̍k-bâi lí tsim-tsiok khuànn

逐筆攏是海焦石爛

Ta̍k-pit lóng sī hái-ta tsio̍h-nuā

啊，一生你是，你是我的心肝

Ah, it-sing lí sī, lí sī guá ê sim-kuann

・詹宏達作曲，收錄佇潘麗麗《畫眉》專輯，水晶唱片，臺北，1994年

・得著1994年第六屆流行音樂金曲獎最佳方言作詞人獎

・得著1994年金鼎獎最佳作詞獎

——《向玉山》，晨星出版

"Hiòng Gio̍k-san"

【註解】tsù-kái

天星（thinn-tshinn）：星星

迒過（hānn-kuè）：跨過、越過

綴著（tuè tio̍h）：跟著

咱兜（lán tau）：我們家。咱（lán），我們，包括聽話者。

門跤口（mn̂g-kha-kháu）：門口。跤（kha），腳，在……下。

啉落喉（lim lo̍h âu）：喝入喉嚨。啉（lim），喝。

相透（sio-thàu）：彼此相通

咧（leh/teh）：在、正在。表示正在做某事，後接動詞、形容詞。

定定（tiānn-tiānn）：常常

真𠢕走（tsin gâu tsáu）：很會跑。𠢕（gâu），厲害。走（tsáu），跑。

佇遐（tī hia）：在那邊

做伙（tsuè-hué）：在一起

驚你（kiann lí）：擔心你

逐筆（Ta̍k-pit）：每筆

攏是（lóng sī）：都是

【作者紹介】tsok-tsiá siāu-kài

本名王志誠，臺中大甲人。長期從事報紙、雜誌、書籍等相關編輯，於大學兼任教授多年，曾任國家文化總會副秘書長、高雄市文化局長、臺中市文化局長等。

著有詩集《春天个花蕊》（台語）、《那些塵埃落下的地方》、《有夢最美》（台語）、《風，帶走了他的行李》、《在門口罰站的天使》等，散文集《每一個字都在呼吸》等、繪本書、報導文學與攝影詩文集《陪我，走過波麗路》、《走在，臺灣的路上》等共二十餘部。

歌詞作品有《戲夢人生》電影音樂、潘麗麗《畫眉》及《往事如影》、鳳飛飛《驛站》及《思念的歌》、蔡琴《點亮霓虹燈》、蔡秋鳳《生活影印機》等各類歌曲逾百首；作品廣泛參與西洋歌劇、台語歌劇及各類歌舞劇的演出，其膾炙人口的選舉歌曲更是全世界首創。2025年新編《向玉山：路寒袖台語詩集》，蒐錄1990年代至2020年代經典台語詩歌創作。

曾連獲兩屆流行音樂金曲獎最佳作詞人獎、金鼎獎最佳作詞獎、賴和文學獎、年度詩獎、臺中市文學貢獻獎、傳統藝術金曲獎作詞類最佳創作獎等，乃截至目前為止，唯一一位既獲流行音樂金曲獎又得到傳統藝術金曲獎的創作人。

畫眉-潘麗麗

https://www.youtube.com/watch?v=HchOTHZ0ZpQ

臺語歌真正正字歌詞網

https://www.facebook.com/groups/922800454445724/permalink/1659869850738777/

【美麗的台語詩分享】

今天要分享的是路寒袖老師的詩作〈畫眉〉，收錄在老師的台語詩集《向玉山》。〈畫眉〉是一首1994年發行的歌曲，由詹宏達作曲，潘麗麗演唱，並得到當年金曲獎最佳作詞人與金鼎獎最佳作詞獎。

這首詩先以星星和流水之景展開，接著帶入感情的表達，以雲和山作為愛侶間的比喻，並以「畫眉」來描寫雲在山間的風景，和述說兩人恩愛的關係。文辭典雅、以景寄情，又有押韻，是一首非常優美又有韻律的詩歌。

路寒袖老師長期耕耘藝文活動，文學作品不但豐富，對台灣文化的發展與保存也有許多貢獻。他提倡「台灣雅歌」的概念，認為歌詞雖然不需要像詩一樣繁複，但要有詩的質感，造就了老師筆下一首首如詩一般的美麗歌詞。

而「母語創作」也是老師所重視的，因此即便老師以華語書寫的作品頗富盛名，也依然堅持持續創作台語的作品。詩集《向玉山》將老師長年的台文創作以教育部用字重新整理，並且附有註釋，從老師的作品也可以看見，其實台語一直以來都很優美。

＊感謝路寒袖老師授權分享

聬儱 ◎台語人

 

聬儱 áng-láng

◎台語人 Tâi-gí lâng

我講話條直

guá kóng-uē tiâu-ti̍t,

無愛甜言蜜語

bô ài tinn-giân-bi̍t-gí,

所以攏叫我恬恬

sóo-í lóng kiò guá tiām-tiām.

我定定咧講我無閒陪你

guá tiānn-tiānn leh kóng guá bô-îng puê lí,

是驚你會棄嫌我

sī kiann lí ê khì-hiâm guá.

是我個性傷聬儱

sī guá kò-sìng siunn áng-láng,

無張持予你受傷

bô-tiunn-tî hōo lí siū-siong.

【註解】tsù-kái

聬儱（áng-láng/àng-láng）：難以相處，愚鈍又頑固。

條直（tiâu-ti̍t）：憨直、坦率

無愛（bô ài）：不要，合音唸作「buaih」。

攏（lóng）：都

恬恬（tiām-tiām）：安靜

定定（tiānn-tiānn）：常常

咧（leh）：在、正在。表示正在做某事，後接動詞、形容詞。

無閒（bô-îng）：沒空

驚（kiann）：擔心、怕

棄嫌（khì-hiâm）：嫌棄

無張持（bô-tiunn-tî）：不小心、沒注意到

【作者華語翻譯】tsok-tsiá huâ-gí huan-i̍k

我講話直接

不喜歡甜言蜜語

所以都叫我不要說話

我常常在說我沒空陪你

是怕你會嫌棄我

是我個性難以相處

不小心讓你受傷害

【作者紹介】tsok-tsiá siāu-kài

「台語人」是一個推廣台語的帳號（IG、Threads），有台語的詞彙介紹、台語的語音知識、以及台語詩的創作。詩作的po文包含音檔、台羅拼音和華語翻譯，很適合來學習台語、台文喔！

IG:

https://www.instagram.com/taigi.cc

【美麗的台語詩分享】

今天要分享的是「台語人 @taigi.cc 」的詩作〈聬儱〉，「聬儱 áng-láng/àng-láng」的意思是難以相處，愚鈍又頑固。詩作以個性「聬儱」的敘事者，來說明愛人之間相處的摩擦，有種淡淡的無可奈何。

「台語人」是一個推廣台語的帳號（IG、Threads），也有詩作的發表，其中有許多是人與人之間關係的書寫，詩作飽含著最真摯的感情，期待作者能繼續創作台文作品，未來能看到更多精彩的台語詩。

「台語人」除了台語詩的分享，也有台語的詞彙介紹、台語的語音知識、以及台語詩的創作。詩作的po文包含音檔、台羅拼音和華語翻譯，很適合來學習台語、台文喔！很推薦給台語學習者！

＊感謝「台語人」授權分享

月光 ◎高嘉徽

 

月光 Gue̍h-kng

◎高嘉徽 Ko Ka-hui

黯淡 ê 歌聲

Àm-tām ê kua-siann

乘載月娘

Sîng-tsài gue̍h-niû

低低吟唱 ê 喉聲

Kē-kē gîm-tshiùnn ê âu-siann

月娘 ê 光

Gue̍h-niû ê kng

照入皺 phé-phé ê 玻璃門

Tsiò-ji̍p jiâu-phé-phé ê po-lê-mn̂g

變形 ê 面

Piàn-hîng ê bīn

已經無法度 hôe-ho̍k 原形

Í-king bô-huat-tōo huê-ho̍k guân-hîng

欺騙 chhìm 入心肝底

Khi-phiàn tshìm-li̍p sim-kuann-té

艱苦 tī 光內徘迴

Kan-khóo tī kng-lāi pâi-huê

*刊 tī 海翁台語文學雜誌 NO.283（2025/7月）

【註解】tsù-kái

詩人書寫方式為「漢羅濫寫 Hàn-Lô lām siá」（漢羅混寫）。

「漢羅濫寫」為使用了「漢字」加「拉丁字母」（白話字、台羅拼音）兩種文字系統來表記台灣話的書面與口語，目前是台灣話的主流書寫模式之一。台語具有許多「有音無字」的在地詞彙或外來語，因此使用羅馬字。相較「全漢」使用訓讀字，漢羅在固有詞彙的表音上有其精準且明瞭的優勢；而相較「全羅」，漢羅則保留了基本的漢字根基。此外，哪些詞採用漢字、哪些詞採用羅馬字，常因人而異。

詩人使用的拉丁字母為「白話字POJ」系統，發展比台羅拼音早，有些拼法略有不同。對照教育部的推薦漢字、台羅拼音，在註解中以【教】列出補充，本詩也有未收錄在教育部辭典的字詞，亦也寫出其他辭典使用漢字，供讀者參考。

ê：【教】的（ê）

月娘（gue̍h-niû）：月亮

皺 phé-phé（jiâu/liâu-phé-phé）：【教】皺襞襞（jiâu/liâu-phé-phé）

面（bīn）：臉

無法度（bô-huat-tōo）：沒辦法

hôe-ho̍k（hue-ho̍k）：【教】恢復（hue-ho̍k）

chhìm 入（tshìm-li̍p）：【臺語呼音音樂寶鑑】沁（tshìm），沁入（tshìm-li̍p），慢慢滲透、深入。

心肝底 sim-kuann-té：心裡

tī：【教】佇（tī）

徘迴（pâi-huê）：【台華線頂辭典】徘徊（pâi-huê）

【作者紹介】tsok-tsiá siāu-kài

本名高嘉徽，實踐大學觀光管理學系畢業，2016年6月透過朋友紹介開始學習台語文羅馬字。佇高雄出世，90 年後的台語女作家，嘛是台文筆會的會員之一，目前是台語老師佮台文作家，上大的興趣是彈鋼琴。出版品有《台語認證中高級 kap 寫作講義》、台語詩集《我 ê 跤印》佮《停佇夢中》、台語短篇小說《虛華 ê 世界》，而且有翻譯做日文《虚飾の世界》出版。

本名高嘉徽，實踐大學觀光管理學系畢業，2016年6月透過朋友紹介開始學習台語文羅馬字。出生於高雄，90 年後的台語女作家，也是台文筆會的會員之一，目前是台語老師和台文作家，最大的興趣是彈鋼琴。出版品有《台語認證中高級 kap 寫作講義》、台語詩集《我 ê 跤印（我的腳印）》和《停佇夢中（停在夢中）》、台語短篇小說《虛華 ê 世界（浮華的世界）》，而且有翻譯做日文《虚飾の世界》出版。

高嘉徽老師的網誌：https://kahuiephutohng.blogspot.com/

【美麗的台語詩分享】

今天要分享的是高嘉徽老師 @kahui822 的詩作〈月光〉，刊登在《海翁台語文學雜誌NO.283》。台語的月亮為「月娘 gue̍h-niû」，將月亮賦予了人的樣貌，這首詩以「月娘」低吟的歌聲開場，月光照入室內，也照出了一顆因為被欺騙而破碎的心，淡淡的月光襯托著淡淡的憂傷。

嘉徽老師的詩作豐富，在他的IG、Threads都能看到作品分享，並且將他的作品整理在部落格，這些地方都能看到老師其他的作品喔！老師也出版了兩本個人詩集《我 ê 跤印》和《停佇夢中》，除了詩作之外，也有創作台文短篇小說《虛華 ê 世界》。如果想要購買老師的書籍，都可以直接跟他聯絡詢問。

除了台文作家之外，嘉徽老師也是一名台語教師，並且也有出版台語認證的學習講義，是一名用心推廣台語和台文的老師和創作者！也推薦大家追蹤他的帳號來學台語喔！

另外，老師使用的台文書寫系統屬於「漢羅合寫」，而羅馬字的部分是「白話字POJ」。羅馬字屬於表音系統，「POJ」其實就是以這個系統書寫的台語發音「Pe̍h-ōe-jī」，漢字是「白話字」。「白話字」是目前最古老的台文書寫系統，1810年由基督教的傳教士以漳州話為基礎創造，之後逐漸改良，1865年傳入台灣，至今已經有160年的歷史，台灣第一份報紙，就是以「白話字」書寫而成的。

目前教育部推廣的台羅拼音系統，則是在白話字的基礎上，修改成更接近國際音標IPA的寫法。兩個系統互相轉換不難，學白話字的好處就是可以閱讀160年前的台語文獻，真的非常有趣呢！

＊感謝高嘉徽老師授權分享

時差 ◎Ông Sìn-lû

 

時差 Sî-tsha

◎Ông Sìn-lû

伊下班，我落眠

I hā-pan, guá lo̍h-bîn 

我精神，伊準備欲睏

Guá tsing-sîn, i tsún-pī beh khùn

我的日時，是伊的半暝 

Guá ê li̍t-sî, sī i ê puànn-mî 

伊若看著日頭，我就眼著月娘 

I ná khuànn-tio̍h li̍t-thâu, guá tio̍h gán-tio̍h gue̍h-niû

阮的時間總是撨袂好勢 

Guán ê sî-kan tsóng--sī tshiâu bē hó-sè 

伊講 

I kóng 

咱無適合談遠距離戀愛 

Lán bô sik-ha̍p tâm uán-kū-lî luân-ài

——佇海的另外一爿的小妹 

——Tī hái ê līng-guā tsi̍t-pîng ê sió-muē

【註解】tsù-kái

伊（i）：他

落眠（lo̍h-bîn）：熟睡、沉睡

精神（tsing-sîn）：醒來

欲睏（beh khùn）：要睡

日時（li̍t/ji̍t-sî）：白天

半暝（puànn-mî）：半夜

看著日頭（khuànn-tio̍h li̍t-thâu）：看到太陽。著（tio̍h），表示動作之結果，相當於華語「到」。

眼著月娘（gán-tio̍h gue̍h-niû）：瞥見月亮

阮（guán/gún）：我們，不包括聽話者

撨袂好勢（tshiâu bē hó-sè）：無法協調好。撨（tshiâu），商討、商議。袂好勢（bē hó-sè），不順利、不妥善。

咱（làn）：我們，包括聽話者

佇（tī）：在

一爿（tsi̍t-pîng）：一邊

個人台語詩創作：

https://reurl.cc/R2NlG6

【有圖的台語詩分享】

今天分享另一首也叫〈時差〉的詩，讓大家再熟悉一下台語的「時差 sî-tsha」怎麼講。還有一些太陽月亮白天夜晚遠距離戀愛。

先按呢，今仔日歇睏。

時差 ◎蕭聿萱

時差 Sî-tsha

◎蕭聿萱 Siau U̍t-suan

日頭光無聲無說

Li̍t-thâu-kng bô-siann-bô-sueh

挵破傷過挑俍 ê 房間

lòng-phuà siunn kuè thiau-lāng ê pâng-king

一个人過兩个人 ê 生活

tsi̍t ê lâng kuè nn̄g ê lâng ê sing-ua̍h

兩支齒抿嘛無法度阻擋

nn̄g ki khí-bín mā bô-huat-tōo tsóo-tòng

已經貓蛀蛀 ê 日子繼續破空

í-king niau-tsiù-tsiù ê li̍t-tsí ké-sio̍k phuà-khang

 

逐工用我 ê gâu 早換你 ê 暗安

Ta̍k kang iōng guá ê gâu-tsá uānn lí ê àm-an

你ê聲猶佇空氣中四界遹

lí ê siann iáu tī khong-khì tiong sì-kè-u̍t

我綴伊運行

guá tuè i ūn-hîng

痟貪一个安身 ê 所在

siáu-tham tsi̍t ê an-sin ê sóo-tsāi

退色 ê 紙條貼佇冰箱若像 ba̋ng-sóo-khóo

thè-sik ê tsuá-tiâu tah tī ping-siunn ná-tshiūnn ba̋ng-sóo-khóo

用你 ê 手筆幫我止血

iōng lí ê tshiú-pit pang guá tsí-hueh

 

欲睏進前

Beh khùn tsìn-tsîng

敢會使聽我講一寡遠遠 ê 代誌

kám ē-sái thiann guá kóng tsi̍t-kuá hn̄g-hn̄g ê tāi-tsì

會記得昨日 ê 西北雨

ē-kì-lit tso̍h-li̍t ê sai-pak-hōo

沃澹異鄉 ê 提批仔

ak-tâm ī-hiong ê the̍h-phue-á

Tòo 開 ê 字句講袂伸捙

Tòo khui ê lī-kù kóng buē tshun-tshia

愛 puânn 過偌濟時區

ài puânn-kuè guā-tsē sî-khu

對你 ê 思慕才有法度洩洪

tuì lí ê su-bōo tsiah ū huat-tōo sia̍p-hông

 

我會共伊寄去彼个

Guá ē kā i kià-khì hit ê

毋甘起床 ê 早起

m̄-kam khí-tshn̂g ê tsái-khí

逐工攏有新寫 ê 紙條

ta̍k-kang lóng ū sin siá ê tsuá-tiâu

萬物攏安搭佇 in 理想 ê 世界

bān-bu̍t lóng an-tap tī in lí-sióng ê sè-kài

你 ê 一聲 gâu 早會比日頭閣較緊挵破

lí ê tsi̍t siann gâu-tsá ē pí ji̍t-thâu koh khah kín lòng-phuà

這个城市 ê 寂寞

tsit ê siânn-tshī ê siok-bo̍k

——2024年第十三屆臺中文學獎，臺語詩類第一名

——《我無想欲你死去》，晨星出版

"Guá bô siūnn-beh lí sí--khì"

【註解】tsù-kái

詩人書寫方式為「漢羅濫寫 Hàn-Lô lām siá」（漢羅混寫）。

「漢羅濫寫」為使用了「漢字」加「拉丁字母」（白話字、台羅拼音）兩種文字系統來表記台灣話的書面與口語，目前是台灣話的主流書寫模式之一。台語具有許多「有音無字」的在地詞彙或外來語，因此使用羅馬字。相較「全漢」使用訓讀字，漢羅在固有詞彙的表音上有其精準且明瞭的優勢；而相較「全羅」，漢羅則保留了基本的漢字根基。此外，哪些詞採用漢字、哪些詞採用羅馬字，常因人而異。

詩人使用的拉丁字母為台羅拼音系統，若有對照教育部的推薦漢字，將會在註解中以【教】列出補充，供讀者參考。

日頭光（li̍t/ji̍t-thâu-kng）：陽光、日光。日頭，太陽

無聲無說（bô-siann-bô-sueh）：無聲無息

挵破（lòng-phuà）：打破

傷（siunn）：太

挑俍（thiau-lāng）：形容建築物的空間寬敞，光線明亮

ê：【教】的（ê）

个（ê）：個

齒抿（khí-bín）：牙刷

嘛無法度（mā bô-huat-tōo）：也沒辦法

貓蛀蛀（niau-tsiù-tsiù）：坑坑疤疤

破空（phuà-khang）：破洞

逐工（ta̍k kang）：每天

gâu 早（gâu-tsá）：【教】𠢕早（gâu-tsá），早安

暗安（àm-an）：晚安

猶（iáu）：還

佇（tī）：在

四界遹（sì-kè u̍t）：四處遊走。四界（sì-kè），到處。遹（u̍t），短暫停留、徘徊遊走

綴（tuè）：跟著

伊（i）：他

痟貪（siáu-tham）：貪得無厭、貪心不足

所在（sóo-tsāi）：地方

退色（thè-sik）：褪色

若像（ná-tshiūnn）：好像

ba̋ng-sóo-khóo：OK繃。借自日語「絆創膏 ばんそうこう（bansoko）」

手筆（tshiú-pit）：筆跡、手跡，親手所寫的文字或所畫的圖畫

欲睏進前（beh khùn tsìn-tsîng）：要睡之前。進前（tsìn-tsîng），之前

敢（kám）：表疑問，相對於華語語意為「⋯⋯嗎？」

會使（ē-sái）：可以

一寡（tsi̍t-kuá）：一些

代誌（tāi-tsì）：事情

會記得（ē-kì-lit/tit）：記得

昨日（tso̍h-li̍t/ji̍t）：前天，或讀作「tso̍h--ji̍t/li̍t」

西北雨（sai-pak-hōo）：雷陣雨

沃澹（ak-tâm）：淋濕

提批仔（the̍h-phue-á）：郵差

tòo 開（tòo-khui）：【教】𪐞開（tòo-khui），暈開

講袂伸捙（kóng buē tshun-tshia）：不可理喻

puânn：【教】盤（puânn），轉換

偌濟（guā-tsē）：多少

有法度（ū huat-tōo）：有辦法

共（kā）：把

彼个（hit ê）：那個

毋甘（m̄-kam）：捨不得

攏（lóng）：都

安搭（an-tap）：安頓

in：【教】𪜶（in），他們

閣（koh）：還

較緊（khah kín）：比較快

寂寞（siok-bo̍k）：「siok-bo̍k」是俗音，正音為「tsi̍k-bo̍k」

【作者紹介】tsok-tsiá siāu-kài

1998 年差一點仔佇愚人節出世，19 歲進前蹛台北，19 歲以後蹛過足濟所在。大學三年仔進前袂曉講台語，當咧共母語學轉來（第七冬）。自費出版台語詩集《我無想欲你死去》、台語散文集《食薟ê人講che袂薟》。

1998 年差一點在愚人節出生，19 歲之前住台北，19 歲以後住過很多地方。大學三年級前不會說台語，正把母語學回來（第七年）。自費出版台語詩集《我無想欲你死去（我不想要你死去）》、台語散文集《食薟ê人講che袂薟（吃辣的人說這不辣）》。

【美麗的台語詩分享】

今天要分享的是蕭聿萱老師 @utsoan_taigi 的另一首詩作〈時差〉，也是2024年臺中文學獎台語詩首獎作品，這首詩也有收錄在他的個人詩集《我無想欲你死去》。

〈時差〉是一首很具有現代感的詩作，寫的是原本一起生活的戀人，進入跨國、跨時區的遠距離戀愛的狀況，熟悉的生活環境少了一人，變得空曠，依賴著對方的問候來消解寂寞。

「時差 sî-tsha」是相對現代的詞語，是我逆輸出給父母的台語詞彙。每種語言都是隨著時代變遷，不斷地增加新詞彙，本土語言因為長期被邊緣化，所以很多新詞讓人覺得不習慣，但是常說常聽就會融入這個語言了，也才能賦予語言新的活力。

昨天有稍微介紹了一下聿萱老師的詩集，老師的IG（utsoan_taigi）也有他的詩作，也推薦大家來追蹤！詩集目前在台灣e店、現流冊店、梓書房和南渡策室寄賣，也可以到這些書店購買喔！

＊感謝蕭聿萱老師授權分享

一擺一擺朗讀 ◎蕭聿萱

 

一擺一擺朗讀 Tsi̍t-pái tsi̍t-pái lóng-tho̍k

◎蕭聿萱 Siau U̍t-suan

一擺一擺朗讀

Tsi̍t-pái tsi̍t-pái lóng-tho̍k

你目眉頭的攝襉

Lí ba̍k-bâi-thâu ê liap-kíng

你的手筆，踮佇

Lí ê tshiú-pit, tiàm tī

黃酸雨的課本

N̂g-sng-hōo ê khò-pún

雨聲喧鬧的教室

Hōo-siann suan-nāu ê kàu-sik

偌想欲共你的愁熨予齊嶄

Guā siūnn-beh kā lí ê tshiû ut hōo tsê-tsánn

干焦因為你攑頭看向我的笑容

Kan-na in-uī lí gia̍h-thâu khuànn hiòng guá ê tshiàu-iông

鬧動著我的心

Lāu-tāng tio̍h guá ê sim

——《我無想欲你死去》，晨星出版

"Guá bô siūnn-beh lí sí--khì"

【註解】tsù-kái

一擺（tsi̍t-pái）：一次

目眉頭（ba̍k-bâi-thâu）：眉頭。目眉（ba̍k-bâi），眉毛

攝襉（liap-kíng）：皺痕

手筆（tshiú-pit）：筆跡、手跡，親手所寫的文字或所畫的圖畫

踮佇（tiàm tī）：在

黃酸雨（ng-sng-hōo）：梅雨

偌（guā）：多麽

想欲（siūnn-beh）：想要

共（kā）：把

熨予齊嶄（ut hōo tsê-tsánn）：燙個平整。熨（ut），藉熱力把衣物壓平。予（hōo），動詞後綴，加要達成的目標、程度。齊嶄（tsê-tsánn），平整

干焦（kan-na）：只有

攑頭（gia̍h-thâu）：抬頭

【作者紹介】tsok-tsiá siāu-kài

1998 年差一點仔佇愚人節出世，19 歲進前蹛台北，19 歲以後蹛過足濟所在。大學三年仔進前袂曉講台語，當咧共母語學轉來（第七冬）。自費出版台語詩集《我無想欲你死去》、台語散文集《食薟ê人講che袂薟》。

1998 年差一點在愚人節出生，19 歲之前住台北，19 歲以後住過很多地方。大學三年級前不會說台語，正把母語學回來（第七年）。自費出版台語詩集《我無想欲你死去（我不想要你死去）》、台語散文集《食薟ê人講che袂薟（吃辣的人說這不辣）》。

【美麗的台語詩分享】

今天要分享的是蕭聿萱老師 @utsoan_taigi 的〈一擺一擺朗讀〉，收錄在他的個人詩集《我無想欲你死去》（晨星出版）。

詩人朗讀的是什麼呢？朗讀你的眉頭、朗讀你的筆跡、朗讀你的抑鬱？因為對方給的一個微笑，願意換取他的歡樂，希望他不再憂愁。我想這是一首關於愛的詩。因為愛，才能觀察到對方的一舉一動；因為愛，可以為對方付出全世界。

聿萱老師是新生代詩人，詩集的氛圍憂鬱、仔細地書寫各種感情與情緒，文筆非常細膩，捕捉了感情最幽微之處，此外，也非常有當代的帶入感，讀詩集《我無想欲你死去》，會覺得這就是我們現代人身處的世界。

如果是情感感受力比較強的F人，大概很難不被這樣的作品吸引吧。讀聿萱老師的詩，讓我覺得他是那種過多的情感與情緒在腦中，不得不寫的詩人。「人必須生存，必須創造。人必須生存到那種想哭的境界。」詩人以詩，來鐫刻靈魂。

另外，老師的台語是「抾轉來的khioh tńg-lâ--ê（撿回來的）」，他的自我介紹寫道「大三之前不會說台語」，如今卻能以台文寫出這麼多動人的作品，讓原本就會說台語的我覺得非常感動，也更覺得自己需要學好台語！

老師的IG有他的詩作，也推薦大家來追蹤！詩集目前在台灣e店、現流冊店、梓書房和南渡策室寄賣，也可以到這些書店購買喔！

＊感謝蕭聿萱老師授權分享

浪鳥集 035 ◎Rabindranath Tagore 泰戈爾／温若喬 譯

 

浪鳥集 035 

Lōng-tsiáu Tsi̍p

◎塔句呂（泰戈爾） Thah-kù-lū／温若喬 譯 Un Jio̍k-kiâu  i̍k

鳥仔希望家己是雲。

Tsiáu-á hi-bāng ka-kī sī hûn.

雲嘛向望家己是鳥。

Hûn mā ǹg-bāng ka-kī sī tsiáu.

【註解】tsù-kái

家己（ka-kī/tī）：自己

嘛（mā）：也

向望（ǹg-bāng）：希望

【英文原文】Ing-bûn guân-bûn

Stray Birds

◎Rabindranath Tagore

The bird wishes it were a cloud.

The cloud wishes it were a bird.

【譯者紹介】i̍k-tsiá siāu-kài

1999年生。淡水人。國立臺灣大學社會學系佮心理學研究所出業，興趣是寫作、音樂、看劇、學語言佮研究人類。現此時是自由接案作家佮臨床心理師，佇Instagram和Threads經營台語社群「ohtaigi」佮個人口座「wenwriting」。著作有詩集《日花閃爍》佮翻譯《浪鳥集：泰戈爾漂鳥集台文版》。

1999年生。淡水人。畢業於國立臺灣大學社會學系與心理學研究所，興趣是寫作、音樂、看劇、學語言與研究人類。現為自由接案作家與臨床心理師，於Instagram及Threads經營台語社群「ohtaigi」與個人帳號「wenwriting」。著有詩集《日花閃爍》和翻譯《浪鳥集：泰戈爾漂鳥集台文版》。 

【美麗的台語詩分享】

這幾天其實是「鳥仔」系列，在台語文的著作中，有一本書的名稱就有「鳥」，也就是由温若喬老師 @ohtaigi  @wenwriting 翻譯的《浪鳥集》（九歌出版 @chiuko_book ），為泰戈爾詩集《漂鳥集》的台文版。

這首短短鳥與雲對映的小詩，像是莊周夢蝶，卻又更輕盈。

泰戈爾是我年輕時（？）很喜歡的詩人，做小文青的時候還把泰戈爾的詩句抄做Slogan。我想大家多多少少都對泰戈爾有點認識，或許知道他得過諾貝爾文學獎，而且第一位得諾貝爾奬的亞洲人，並且用英文寫作。

不過泰戈爾其實也是哲學家、音樂家，而在接觸台文後，我才赫然驚覺，即便泰戈爾精通英文，我們得以用英文閱讀泰戈爾的原文，但是「孟加拉語」，其實才是泰戈爾真正的母語，英文則是殖民者的語言，而他的詩歌，主要都是用孟加拉語寫成的。

他得諾貝爾文學獎的作品《吉檀迦利》，意思是獻唱，原本就是用孟加拉語寫的，後來才親自翻譯成英文。

熟練一個更流通的語言和使用相對小眾的母語其實不衝突對吧？能夠用母語台語閱讀整本《浪鳥集》的現在，讓我覺得很幸福。

＊感謝温若喬老師授權分享

看一隻鳥仔 ◎李敏勇

看一隻鳥仔 Khuànn tsi̍t tsiah tsiáu-á

◎李敏勇 Lí Bín-ióng

一隻鳥仔

Tsi̍t tsiah tsiáu-á

佇草埔行來行去

Tī tsháu-poo kiânn lâi kiânn-khì

伊停落來

I thîng--lo̍h-lâi

看我

Khuànn guá

一個生分的人

Tsi̍t ê tshenn-hūn ê lâng

坐佇樹下的椅子

Tsē tī tshiū-kha ê í-á

惦惦攏無出聲

Tiām-tiām lóng bô tshut-siann

我嘛在看彼隻鳥仔

Guá mā leh khuànn hit tsiah tsiáu-á

想欲問

Siūnn beh mn̄g

伊有憂愁嚒

I ū iu-tshiû--bô

自由自在

Tsū-iû-tsū-tsāi

親像一大片草埔攏是伊的花園

Tshin-tshiūnn tsi̍t tuā phiàn tsháu-poo lóng sī i ê hue-hn̂g

伊的島嶼安安靜靜

I ê tó-sū an-an-tsīng-tsīng

只有風的聲音吹動草葉

Tsí-ū hong ê siann-im tshue-tāng tsháu-hio̍h

伊的世界真大

I ê sè-kài tsin tuā

一支草佇伊心目中是一欉樹

Tsi̍t ki tsháu tī i sim-bo̍k-tiong sī tsi̍t tsâng tshiū

一片樹林就是一個世界

Tsi̍t phiàn tshiū-nâ tio̍h sī tsi̍t ê sè-kài

・2014年，福爾摩沙合唱團譜曲（林松樺作曲）。

——李敏勇《美麗島詩歌》，玉山社出版

"Bí-Lē-Tó si-kua"

【註解】tsù-kái

詩人創作台語詩多年，時間遠早於教育部推行的漢字系統，詩人書寫的用字以民間使用的「在來漢字」為主，在來字的歷史悠久，有慣用字但無統一標準，因此有些漢字會有不同的寫法。

現行「教育部推薦漢字」在2007年開始推行，是政府為方便推廣教育而制定統一的台文「正寫法」，有些繼承在來字，有些則另有選擇，並編纂《教育部臺灣台語常用詞辭典》。與詩人用字不同的教育部推薦漢字，將會在註解中以【教】列出補充，供讀者參考。

關於台文的不同寫法，詳情可見臉書粉專【塗豆仁學台語】的文章：https://reurl.cc/dpGWZg

佇（tī）：在

草埔（tsháu-poo）：草坪、草場

行（kiânn）：走

伊（i）：他

停落來（thîng--lo̍h-lâi）：停下來

個（ê）：【教】个（ê）

生分（tshenn-hūn）：陌生，又唸「tshinn-hūn/senn-hūn/sinn-hūn」

樹下（tshiū-kha）：【教】樹跤（tshiū-kha）

椅子（í-á）：【教】椅仔（í-á）

惦惦（tiām-tiām）：【教】恬恬（tiām-tiām），安靜

我嘛在（guá mā leh/teh）：【教】我嘛咧（guá mā leh/teh）。咧（leh/teh），在、正在。

嚒（bô）：【教】無（bô），句末疑問助詞，用來詢問是或否、有或無等，多讀為輕聲。

親像（tshin-tshiūnn）：如同、就像

【作者紹介】tsok-tsiá siāu-kài

台灣屏東人，1947年在高雄縣出生，成長於高屏，大學時代修習歷史，短期居住台中，現為台北市民。

以文學為志業的人生歷程，反應在主編《笠》詩刊、擔任「台灣文藝」社長及投身社會運動與公共事務，曾為「鄭南榕基金會」、「台灣和平基金會」、「現代學術研究基金會」董事長，並在許多報紙、雜誌專欄從事文化與社會評論。

出版過《雲的語言》、《暗房》、《鎮魂歌》、《野生思考》、《戒嚴風景》、《傾斜的島》、《心的奏鳴曲》、《青春的腐蝕畫》、《自白書》、《一個人孤獨行走》、台語詩 CD《一個台灣詩人的心聲告白》、台語詩集《美麗島詩歌》等。

除了詩創作外，也出版詩解說、研究，譯讀當代世界詩，並著有散文、小說、文學評論和社會評論集等九十餘冊。

曾獲得巫永福評論獎、吳濁流新詩獎、賴和文學獎。2007年第十一屆國家文藝獎得主，2022年第41屆行政院文化獎得主。

合唱版（台灣青年節慶合唱團）：

https://www.youtube.com/watch?v=a9UMHnu6FUw

從《一個台灣詩人的心聲告白》到《美麗島詩歌》—— 我的通行台語詩之路：

https://www.taiwancenter.com/sdtca/articles/1-13/6.html

【美麗的台語詩分享】

今天要分享的是李敏勇老師的詩作〈看一隻鳥仔〉，收錄在老師的台語詩集《美麗島詩歌》（玉山社出版）。

一隻鳥的世界有多大？人們透過鳥的視野，看到的又是什麼？這首詩以觀看「一隻鳥仔」，彼此對望，引發對於鳥的好奇與思考，透過想像鳥的世界，反射人類的期望，是一首帶有哲學意涵的詩。

「一片樹林就是一個世界」，與英國詩人威廉·布萊克（William Blake）筆下「一沙一世界，一花一天堂。」有異曲同工之妙，事物的本質在於對觀者的意義，渺小也能成為偉大。

敏勇老師著作等身，為台灣文學貢獻良多，大部分為華語著作。《美麗島詩歌》是他以母語書寫，對自身生長的土地述說著最深的情感。詩集的〈序說〉，有老師以台文書寫，關於母語創作的探討與思辯，網路上也有公開版本，即便還不是太熟悉台語漢字，也能大概看懂，邀請大家可以一起來閱讀。

http://www.taiwancenter.com/sdtca/articles/1-13/6.html

此外，這首詩也由福爾摩沙合唱團譜曲，以合唱歌曲的版本流傳，YouTube上也可以聽到不同的合唱團演唱這首曲子喔！

＊感謝李敏勇老師授權分享

厝鳥 ◎陳胤

 

 

厝鳥 Tshù-tsiáu

◎陳胤 Tân Īn

Tī 窗仔墘，跳來跳去

Tī thang-á-kînn, thiàu lâi thiàu khì

臭賤 ê 目神 kā 你衫掀開

tshàu-tsiān ê ba̍k-sîn kā lí sann hian--khui

阮 ê 心事，看現現

gún ê sim-sū, khuànn-hiān-hiān

【註解】tsù-kái

厝鳥（tshù-tsiáu）：麻雀，又稱「厝鳥仔（tshù-tsiáu-á）」、「粟鳥仔（tshik-tsiáu-á）」、「厝角鳥仔（tshù-kak-tsiáu-á）」

tī：【教】佇（tī），在。

窗仔墘（thang-á-kînn）：窗邊

臭賤（tshàu-tsiān）：卑賤、頑皮

ê：【教】的（ê）

kā：【教】共（kā），把

目神（ba̍k-sîn）：目光、眼神

衫（sann）：衣服

阮（gún/guán）：我們，不包括聽話者

看現現（khuànn-hiān-hiān）：看得一清二楚

【作者紹介】tsok-tsiá siāu-kài

本名陳利成，彰化縣永靖鄉人。淡江大學中文系畢業。曾任國、高中教師，目前為柳河文化工作室負責人，專事藝文創作。

著有台語詩集《戀歌》《月光》《台南詩行》《台北，詩leh著災》《日子》《空白》《天生自然》《跤跡》《躊躇》《天星》《茶米茶》《來去小琉球》；華語詩集《流螢》《島嶼凝視》《青春浮雕》《詩的旅行》《聆聽寂靜》《默默，澎湖的海》《記得》；散文《半線心情》《悲歡歲月》《放牛老師手札》《咖啡．咖啡》《經口之春》《鳥的旅行》《咖啡的旅行》《墓地春風》；拼貼創作《秋末冬初》；長篇小說《狗臉歲月》等書。

作品曾獲得吳濁流文學獎新詩正獎、鍾肇政文學獎、台灣閩客語文學獎、時報文學獎等數十獎項。詩作，多次獲國家文藝基金會創作與出版獎助，並入選國內外重要詩選。2014/2015/2025年曾舉辦《愛的進行曲》台語詩畫個展。2017年台南《南寧文學家》駐村作家、2021年《台灣文學基地》駐村作家。

陳胤老師的臉書、部落格和個人podcast都有許多作品可以欣賞。

臉書（面冊 bīn-tsheh）

https://reurl.cc/ppo2L4

部落格

https://blog.udn.com/inriver

Podcasts

https://reurl.cc/Z2EgXg

【美麗的台語詩分享】

今天繼續分享陳胤老師在詩集《日子》（前衛出版 @avanguardbook ）的另一首短詩〈厝鳥〉，「厝鳥 tshù-tsiáu」就是「麻雀」的台語。

昨天介紹詩集《日子》是一本「曆日仔詩（日曆詩）」，每日一詩，一共有366首，〈厝鳥〉是6/27的詩。麻雀是一種在城市常見的鳥，造型可愛但是也很吵鬧，詩作以麻雀的調皮來攪亂心事重重的人，令人又氣又笑。

昨天也介紹了台文的「漢羅合用」系統，在這首詩就可以看到tī（佇）、ê（的）、kā（共）這幾個字是以羅馬字書寫，但是詩集也會在註釋上寫出漢字，因此如果相對熟悉台語漢字，而不熟悉「漢羅合用」的書寫系統，還是可以很順利地閱讀這本詩集。

一樣推薦大家可以到陳胤老師的各個平台，包含臉書、部落格、Podcasts，閱讀、聆聽更多精彩的台文詩！

＊感謝陳胤老師授權分享

燕子 ◎陳胤

 

燕仔 Ìnn-á

◎陳胤 Tân Īn

飛過春天了後，伊家己

Pue-kuè tshun-thinn liáu-āu, i ka-tī

嘛變春天，毛毛仔雨

mā piàn tshun-thinn, mn̂g-mn̂g-á hōo

落規暝，風寒心也甜甜

lo̍h kui mê, hong kuânn sim iā tinn-tinn

【註解】tsù-kái

家己（ka-tī）：自己

嘛（mā）：也

毛毛仔雨（mn̂g-mn̂g-á hōo）：毛毛雨

落規暝（lo̍h kui mê/mî）：下一整夜。規（kui），整個。暝（mê/mî），夜。

【作者紹介】tsok-tsiá siāu-kài

本名陳利成，彰化縣永靖鄉人。淡江大學中文系畢業。曾任國、高中教師，目前為柳河文化工作室負責人，專事藝文創作。

著有台語詩集《戀歌》《月光》《台南詩行》《台北，詩leh著災》《日子》《空白》《天生自然》《跤跡》《躊躇》《天星》《茶米茶》《來去小琉球》；華語詩集《流螢》《島嶼凝視》《青春浮雕》《詩的旅行》《聆聽寂靜》《默默，澎湖的海》《記得》；散文《半線心情》《悲歡歲月》《放牛老師手札》《咖啡．咖啡》《經口之春》《鳥的旅行》《咖啡的旅行》《墓地春風》；拼貼創作《秋末冬初》；長篇小說《狗臉歲月》等書。

作品曾獲得吳濁流文學獎新詩正獎、鍾肇政文學獎、台灣閩客語文學獎、時報文學獎等數十獎項。詩作，多次獲國家文藝基金會創作與出版獎助，並入選國內外重要詩選。2014/2015/2025年曾舉辦《愛的進行曲》台語詩畫個展。2017年台南《南寧文學家》駐村作家、2021年《台灣文學基地》駐村作家。

陳胤老師的臉書、部落格和個人podcast都有許多作品可以欣賞。

臉書（面冊 bīn-tsheh）

https://reurl.cc/ppo2L4

部落格

https://blog.udn.com/inriver

Podcasts

https://reurl.cc/Z2EgXg

【美麗的台語詩分享】

今天要分享的是陳胤老師的短詩〈燕子〉，收錄在詩集《日子》（前衛出版 @avanguardbook ）。《日子》是一本「曆日仔la̍h-ji̍t-á」形式的詩集，「曆日仔」意思就是「日曆」，一日一詩，有2/29的366天，366首詩，每日三行短詩，累積成一年。

〈燕子〉這首詩其實不是今天6/9的詩，而是3/19，3月應該是我決定選這首詩的月份。春天的細雨、春日的燕子，詩意藏在「日子」的畫面裡，以三行詩為快門，瞬間捕捉。所謂美感，一瞬即永恆。

陳胤老師是位多產的詩人，凡舉老師的臉書、部落格、Podcasts，無處不是老師對於生命的體悟與觀察，以詩為媒介、以母語為聲，留下一首又一首動人的詩篇。

另外介紹一下台文的書寫系統，此詩都是台文漢字，不過老師書寫的系統其實是「漢羅合用」。「漢羅合用」是指漢字與羅馬字都有使用，主要是因為有些台語字、外來語，並沒有配合的漢字，因此有些台文使用者偏好使用「漢羅合用」。現行教育部主要推廣漢字，但是其實很多都是「推薦字」，而非台文漢字固有用法。

因為華語的學習經驗，我一開始比較習慣看全漢字的台文，但是「漢羅合用」其實也是很常見的書寫系統，希望大家也不要因為不熟這個系統，而錯過了其他精彩的台文作品。

《日子》有註釋，台羅字的部分也會在註釋上寫出漢字，因此是一本適合每日讀點台語，也可以認識「漢羅合用」這個書寫系統的「曆日仔詩」，非常推薦給台文學習者！也推薦大家可以到陳胤老師的各個平台，閱讀、聆聽更多精彩的台文詩！

＊感謝陳胤老師授權分享

順行 ◎孫翊倫

 

順行 Sūn-kiânn

◎孫翊倫 Sun I̍k-lûn

聽你的笑聲，看你的影跡

Thiann lí ê tshiò-siann, khuànn lí ê iánn-tsiah

遐的坱埃

Hia--ê ing-ia

親像你當咧寫，家己的形影

Tshin-tshiūnn lí tng-teh siá, ka-tī ê hîng-iánn

我是雲頂的鳥隻

Guá sī hûn-tíng--ê tsiáu-tsiah

咻你的名，等待你來掠

Hiu lí ê miâ, tán-thāi lí lâi lia̍h

【註解】tsù-kái

影跡（iánn-tsiah）：形跡、蹤跡

遐（hia）：那裡

坱埃（ing-ia）：塵埃

親像（tshin-tshiūnn）：就像

當咧（tng-teh/tih）：正在、正值

家己（ka-tī/kī）：自己

形影（hîng-iánn）：行蹤

雲頂（hûn-tíng）：雲上，台語方位的「上」通常用「頂（tíng）」。

鳥隻（tsiáu-tsiah）：鳥兒

咻（hiu）：大聲喊叫

掠（lia̍h）：捕、抓

【作者紹介】tsok-tsiá siāu-kài

孫翊倫，佇高雄出生，得著罕見先天成骨發育不全。因為這个病症，伊的身懸佮體重攏並仝歲人較矮、較輕，毋過，伊樂觀堅強，堅持逐工泅水復健。伊的台語朗讀、台文寫作攏誠𠢕，捌著「總統教育獎」佮「周大觀全球熱愛生命獎章」，嘛是曲全立導演的「台灣超人」內底的其中一个。著作有詩集《過白》，用十七首詩回應伊的十七歲。

孫翊倫，在高雄出生，得著罕見先天成骨發育不全。因為這個病症，伊的身高和體重都低於同年齡的人，不過，他樂觀堅強，堅持每天游泳復健。他擅長台語朗讀、台文寫作，曾經得過「總統教育獎」和「周大觀全球熱愛生命獎章」，也是曲全立導演的「台灣超人」裡的其中一人。著作有詩集《過白》，用十七首詩回應他的十七歲。

【美麗的台語詩分享】

今天分享的是孫翊倫老師 @suniklun 發表在Threads的詩作〈順行〉，「順行 sūn-kiânn」在台語中是祝福對方路途順遂，在送客、送行時常常會使用這個祝福語。

這首詩有押韻，唸起來有一種音樂性和韻律感，出現的意象都是捕抓不到的聲音、影子、塵埃，卻又要代表這些意象的「你」，來做「掠 lia̍h（抓）」這樣的動作。看似淡然的氛圍，以「觸摸不到」的「你」和「希望被抓捕」的「我」串起整首詩，題目又叫「送行」，彼此的關係令人玩味。

翊倫老師是一位非常年輕的詩人，他也是一位對抗先天性疾病的生命鬥士，如此不同的生命經驗，淬鍊出他在文字運用的細緻、在情感感受的細膩。此外，對於台語、台文的熟練程度，也令人印象深刻和深感敬佩。

今年翊倫老師也出版了詩集《過白 kuè-pe̍h》（樂學齋出版社），意思是「克服困難來完成」。翊倫老師今年17歲，這本詩集是他以17首詩寫出他人生17年的體會，生命有歡笑之時、有哀嘆之時，而生命的韌性，將承載所有的喜怒哀樂，繼續向前。

翊倫老師在Threads發表的詩作以短詩為主，詩集則收錄了他的長篇作品，之後也會挑選詩集裡的精彩詩作，再介紹給大家一起欣賞。

（目前詩集沒有在通路平台販賣，若對詩集有興趣，可以直接聯絡出版社，或寫信給翊倫老師。）

＊感謝孫翊倫老師授權分享

若是我毋捌看過日頭 ◎Emily Dickinson 艾蜜莉・狄金生

若是我毋捌看過日頭

Nā-sī guá m̄ bat khuànn kuè li̍t-thâu

◎É-mi-lì Tí-khin-siàn (Emily Dickinson)／Ông Sìn-lû 譯 i̍k

若是我毋捌看過日頭

Nā-sī guá m̄ bat khuànn kuè li̍t-thâu

我本底會使忍受陰影

Guá pún-té ē-sái lím-siū im-iánn

毋過光照出新的荒埔

M̄-koh kng tsiò-tshut sin ê hng-poo

我的荒埔就已經生成

Guá ê hng-poo tio̍h í-king senn-tsiânn

【註解】tsù-kái

若是（nā-sī）：如果

毋捌（m̄ bat）：不曾

日頭（li̍t/ji̍t-thâu）：太陽

本底（pún-té）：本來

會使（ē-sái）：可以

毋過（m̄-kò）：不過

荒埔（hng-poo）：荒原、荒地

生成（senn-tsiânn/senn-sîng/sinn-tsiânn/sinn-sîng）：為押韻唸「tsiânn」

【英文原文】Ing-bûn guân-bûn

Had I not seen the Sun

◎Emily Dickinson

Had I not seen the Sun

I could have borne the shade

But Light a newer Wilderness

My Wilderness has made—

【如果這首詩是台語詩】

今天依然是「日頭 ji̍t-thâu（太陽）」主題，不過是一首有名的英文詩，美國詩人艾蜜莉・狄金生（Emily Dickinson）的〈如果我不曾見過太陽（Had I not seen the Sun）〉的台語版。

社群上有些歌手會將耳熟能詳的經典歌曲改編成台語版，說道：「如果這首歌是台語歌，會是怎麼樣呢？」這是一種對於母語在過往某些場合缺席的修補，也是以翻譯作為語言復興（Language revitalization）的方式，歷史上，翻譯成希伯來語的《亨利四世》也是一個例子。

〈如果我不曾見過太陽〉的華語翻譯非常的多，出版的、沒出版的，擁有各種版本。如果〈Had I not seen the Sun〉是台語詩，會是怎麼樣呢？它會有更多的台語譯本嗎？

【補充】póo-tshiong

目前我可以查到最早的翻譯台語詩，是在《臺灣文學館線上資料平臺》的記錄，1885年9月《台灣府城教會報》第3張，〈Iâ-so͘ sio̍k Góa（耶穌屬我）〉，由施牧師翻譯。

日花 ◎呂美親

日花 Ji̍t-hue

◎呂美親 Lī Bí-tshin

日頭光

Ji̍t-thâu-kng

對雲間，漏洩落來

tuì hûn-kan, lāu-sia̍p--lo̍h-lâi

對樹葉仔縫，偷軁出來

tuì tshiū-hio̍h-á phāng, thau nǹg--tshut-lâi

一鬚一鬚，一柱一柱

tsi̍t tshiu tsi̍t tshiu, tsi̍t thiāu tsi̍t thiāu

有時　嘛會換妝，變做一蕊一蕊的光花

ū-sî  mā ē uānn-tsng, piàn-tsò tsi̍t luí tsi̍t luí ê kng-hue

溫燒仔溫燒

un-sio-á un-sio

拄著仔 siunn 過熱會鑿鑿。總是

tú-tio̍h-á siunn kuè jia̍t ē tsha̍k-tsha̍k. Tsóng--sī

若親像是有人對真遠的所在

ná-tshin-tshiūnn sī ū-lâng tuì tsin hn̄g ê sóo-tsāi

欲來共你講啥物

beh lâi kā lí kóng siánn-mi̍h

敢是一寡，關係你

Kám-sī tsi̍t-kuá, kuan-hē lí

頂世人的線索

tíng-sì-lâng ê suànn-soh

抑是咧共你提醒

iah-sī leh kā lí thê-tshénn

遮，干焦是你暫蹛的旅店

tsia, kan-na sī lí tsiām tuà ê lú-tiàm

愛會記得，猶有一个足媠的國

ài ē-kì-tsit, iáu-ū tsi̍t-ê tsiok suí ê kok 

等你轉去

tán lí tńg--khì

——《方言歌2070・囡仔，想欲予恁愛》，前衛出版社

"Hong-giân-kua 2070．Gín-á, siūnn-beh hōo lín ài"

【註解】tsù-kái

日花（jit-hue）：也說「日花仔（ji̍t-hue-á）」，從雲間或樹葉隙縫中洩出來陽光。

漏洩落來（lāu-sia̍p--lo̍h-lâi）：走漏、流洩下來

軁（nǹg）：穿、鑽

鬚（tshiu）：指像鬚一樣的東西

嘛（mā）：也

妝（tsng）：用脂粉修飾容貌

蕊（luí）：朵，計算花和眼睛的單位

溫燒仔溫燒（un-sio-á un-sio）：溫溫的

拄著仔（tú-tio̍h-á）：偶爾，也可以唸「tú-tio̍h--á」

siunn：【教】傷（siunn），太

鑿鑿（tsha̍k-tsha̍k）：刺眼

總是（tsóng--sī）：無論如何、不管如何

若親像（ná-tshin-tshiūnn）：彷彿、好像

所在（sóo-tsāi）：地方

共（kā）：跟、向

啥物（siánn-mi̍h/mih）：什麼

敢（kám）：表疑問，相對於華語語意為「⋯⋯嗎？」

一寡（tsi̍t-kuá）：一些

頂世人（tíng-sì-lâng）：上輩子

抑是（iah-sī）：或是

咧（leh/teh）：在、正在。表示正在做某事，後接動詞、形容詞。

遮（tsia）：這裡

干焦（kan-na）：只是

蹛（tuà）：住

愛會記得（ài ē-kì-tsit/lit/tit）：要記得。愛（ài），要。會記得（ē-kì-tsit/lit/tit），記得。

猶有（iáu/iá-ū）：還有

足媠（tsiok/tsok suí）：很漂亮。足（tsiok/tsok），很。媠（suí），漂亮。

轉去（tńg--khì）：回去

【作者紹介】tsok-tsiá siāu-kài

日本一橋大學言語社會科博士，現此時是台灣師範大學台灣語文學系副教授。《臺南文學史卷四臺語文學》作者，主編《台語現代小說選》、《台語現代散文選》；共編《台語文運動訪談暨史料彙編》、奇異果版《高中台語》教科書；出版台語詩集《落雨彼日》、《方言歌2070：呂美親台語有聲詩集》，編譯《漂泊的民族：王育德選集》等。

日本一橋大學言語社會科博士，現在是台灣師範大學台灣語文學系副教授。《臺南文學史卷四臺語文學》作者，主編《台語現代小說選》、《台語現代散文選》；共編《台語文運動訪談暨史料彙編》、奇異果版《高中台語》教科書；出版台語詩集《落雨彼日》、《方言歌2070：呂美親台語有聲詩集》，編譯《漂泊的民族：王育德選集》等。

【美麗的台語詩分享】

今天要分享的是呂美親老師 @bichhin2025 的〈日花〉，收錄在《方言歌2070》（前衛出版 @avanguardbook ）。在認識「日花」這個台語獨有的詞彙之後，我們也來欣賞更多的「日花」作品吧！

這首詩以擬人的方式生動地描寫了日光的變化，展現出了光線細緻變化的柔美畫面，並以「你」稱呼「日花」，提出了問題，是一首優美又帶點童趣的詩。

《方言歌2070》是一本有聲書，這首詩是由美親老師的小孩朗讀，非常「古錐 kóo-tsui（可愛）」喔！音檔當中，也有老師親自朗讀的詩作，此外，這本詩集也有註釋，所以也很適合台語學習者。

「方言歌」的意思是「方言入歌」，當中也有美親老師寫的歌詞；2070則是自詩人向陽1970年代開始書寫台語詩之後，想像的百年後台文創作的風景。

美親老師本身不但是作家，還是學者和副教授，此外，他還會唱歌！老師的聲音溫柔、婉約，非常好聽！推薦大家可以到YouTube 搜尋老師親自朗讀的詩作、演唱的歌曲，也可以追蹤老師詩集的臉書粉絲專頁喔！

＊感謝呂美親老師授權分享

日花 ◎温若喬

日花 Ji̍t-hue

◎温若喬 Un Jio̍k-kiâu

燒烙的日頭共規排路樹染甲金黃

Sio-lō ê ji̍t-thâu kā kui pâi lōo-tshiu ní kah kim-n̂g, 

閣對葉縫透出來

koh uì hio̍h-phāng thàu--tshut-lâi, 

成做閃爍的日花

tsiânn-tsò siám-sih ê ji̍t-hue.

——《日花閃爍》，時報出版

"Ji̍t-hue Siám-sih"

【註解】tsù-kái

日花（ji̍t-hue）：指從雲或樹葉的縫隙透出的陽光

燒烙（sio-lō）：溫暖、暖和

日頭（ji̍t-thâu）：太陽

共（kā）：把、將

規（kui）：整個、全部的

甲（kah）：到⋯⋯的地步。表示所達到的結果或程度

閣（koh）：又

對（uì）：從，或讀作「tuì」

成做（tsiânn-tsò）：變成、成為

【作者華語翻譯】tsok-tsiá Huâ-gí huan-i̍k

暖和的太陽將整排路樹染得金黃，並從葉縫裡透出、形成閃爍的隙間流光。

【作者紹介】tsok-tsiá siāu-kài

1999年生。淡水人。國立臺灣大學社會學系佮心理學研究所出業，興趣是寫作、音樂、看劇、學語言佮研究人類。現此時是自由接案作家佮臨床心理師，佇Instagram和Threads經營台語社群「ohtaigi」佮個人口座「wenwriting」。著作有詩集《日花閃爍》佮翻譯《浪鳥集：泰戈爾漂鳥集台文版》。

1999年生。淡水人。畢業於國立臺灣大學社會學系與心理學研究所，興趣是寫作、音樂、看劇、學語言與研究人類。現為自由接案作家與臨床心理師，於Instagram及Threads經營台語社群「ohtaigi」與個人帳號「wenwriting」。著有詩集《日花閃爍》和翻譯《浪鳥集：泰戈爾漂鳥集台文版》。  

【美麗的台語詩分享】

說到台語詩，當然不能錯過《日花閃爍》（時報出版）的作者温若喬老師 @ohtaigi  @wenwriting ，〈日花〉也是老師在Threads上發布的第一首詩，然後帶動了整個台文宇宙進到我的人生中。

我和很多人一樣，都是從若喬老師第一篇Threads〈日花〉開始追蹤的，然後開始希望把這個其實才是我真正母語的文字——台文，學起來，然後在芋圓字典 @taro.dict 和Threads上台語推廣者提供的資源幫助下，我成功學會了書寫和閱讀台文。

學會閱讀後，才有能力欣賞其他的台文作品，也發現其實還有很多優美的台語詩文，但是因為閱讀門檻較高，沒有機會讓大眾認識，最後醖釀出這樣的想法：「如果這些詩能像和若喬老師的詩句一樣，有標音、朗讀，甚至有全部台語用字的註釋，讓完全不懂台文漢字的人都能看懂，是不是就有更多人能欣賞這些美麗的詩了呢？」最後，促使這個帳號的誕生。

關於這個計畫，若喬老師提到他很開心之前丟的石頭產生了漣漪，他之前投注的心力，是有實質的後續效應的。我想一定還有很多漣漪還在醞釀，讓我們一波一波的擴散，製造更多「水泱」給若喬老師看到吧！

水泱（tsuí-iann）：漣漪

＊感謝温若喬老師授權分享

詩劍－紀念「六四天安門事件」 ◎郭文玄

 

詩劍－紀念「六四天安門事件」

Si-kiàm－kì-liām "Lio̍k-sù Thian-an-mn̂g sū-kiānn"

◎郭文玄 Kueh Bûn-hiân

驚見光

Kiann-kìnn kng

共人造的烏雲

Kā lîn-tsō ê oo-hûn

罩人民頭殼頂

Tà lîn-bîn thâu-khak-tíng

爍光的言詞

Sih-kng ê giân-sû

隨予掩起來

Suî hōo am--khí-lâi

爍光的人

Sih-kng ê lâng

隨禁烏牢

Suî kìm oo-lô

烏牢內

Oo-lô-lāi

陰風冷冷

Im-hong líng-líng

心，真火𫝏鋼

Sim, tsin-hué gàn-kǹg

愈陰冷

Lú im-líng

鋼質愈好

Kǹg-tsit lú hó

牆愈厚

Tshiûnn lú kāu

天愈烏

Thinn lú oo

詩的劍光

Si ê kiàm-kng

愈貫出烏幕

Lú kǹg-tshut oo-bōo

【註解】tsù-kái

驚見（kiann-kìnn）：恐怕

共（kā）：把

罩（tà）：籠罩

頭殼頂（thâu-khak-tíng）：頭頂

爍光（sih-kng）：非常光亮

隨（suî）：馬上

予（hōo）：被

掩起來（am--khí-lâi）：遮蔽、掩蓋起來

禁烏牢（kìm oo-lô）：監禁黑牢

𫝏鋼（gàn-kǹg）：煉鋼。𫝏（gàn），焠煉

烏（oo）：黑

貫出（kǹg-tshut）：穿出、鑽出

烏幕（oo-bōo）：黑幕

【作者紹介】tsok-tsiá siāu-kài

郭文玄，1958年出生於基隆，1987年入黃崇鏗老師門下習書法篆刻，親近攝影，曾經開設個人攝影展、篆刻教學班。2001年上洪錦田老師台語課，踏入台文寫作的世界，得過歌詞創作、童詩創作、教育部第一屆「母語文學獎」詩和散文獎項。2025年《台灣色水》詩集通過「台文戰線雜誌社」出版補助。

郭文玄，1958年佇基隆出世，1987年入黃崇鏗老師門下習書法篆刻，親近攝影，捌開設個人攝影展、篆刻教學班。2001年上洪錦田老師台語課，踏入台文寫作ê世界，得過歌詞創作、童詩創作、教育部第一屆「母語文學獎」詩佮散文獎項。2025年《台灣色水》詩集通過「台文戰線雜誌社」出版補助。

【回應歷史的台語詩分享】

今天分享的是郭文玄老師 @1212kue 的詩作〈詩劍－記念「六四天安門事件」〉，以回應歷史上的今天。

文學以文字為載體，反應了作家所處的時代和對於歷史反思的回音。在這首詩作中，詩人以詩為劍，劍如光，針砭歷史上的不義之事，黑暗漫長，卻關不住真相與自由。

文玄老師長期創作台語詩，這首詩發表於Facebook的社團「臺語社」和老師的個人網誌，在這兩個社群上，也能看見老師的其他詩作喔！

另外，老師今年也出版了詩集《台灣色水》（前衛出版），台語「色水 sik-tsuí」就是「色彩」的意思，這是一本用了25年來記錄台灣的風景與色彩的詩集，也是詩人對於台灣最真摯的情感。詩集設計精美，並且還有精緻的插圖，未來也將介紹其中的詩作，分享老師不同風格的創作。

老師網誌：https://reurl.cc/A9r2ZY

愛若失去慾望，彼是火烌 ◎鄭順聰

 

愛若失去慾望，彼是火烌 Ài nā sit-khì io̍k-bōng, he sī hué-hu 

◎鄭順聰 Tēnn Sūn-tshong 

愛若失去慾望，彼是火烌

Ài nā sit-khì io̍k-bōng, he sī hué-hu

夜若失去神秘，敢講

Iā nā sit-khì sîn-pì, kám-kóng

佇電火下跤大心氣的

tī tiān-hué ē-kha tuā-sim-khuì ê

是偷偷仔運搬的烏球

sī thau-thau-á ūn-puann ê oo-kiû

傍你的名我有十四个比喻

Pn̄g lí ê miâ guá ū tsa̍p-sì-ê pí-jū

茶栽，雺霧，刺，速度的血

tê-tsai, bông-bū, tshì, sok-tōo ê hueh

按焦涸涸的山的空喙

àn ta-khok-khok ê suann ê khang-tshuì

拋一手拗鬱的網

pha tsi̍t-tshiú áu-ut ê bāng

佇文字的蒂頭

Tī bûn-jī ê tì-thâu 

共蟲豸的聲捻掉

kā thâng-thuā ê siann liàm-tiāu 

露水當飽滇

lōo-tsuí tng pá-tīnn 

共夜景略略仔含咧

kā iā-kíng lio̍h-lio̍h-á kâm--leh 

你著相信烏球的神祕

Lí tio̍h siong-sìn oo-kiû ê sîn-pì 

你著相信火烌中有愛

lí tio̍h siong-sìn hué-hu tiong ū ài

——《我就欲來去・十四逝詩》，前衛出版社

"Guá tō beh lâi-khì・Tsa̍p-sì-tsuā-si"

【註解】tsù-kái

火烌（hué-hu）：灰燼

敢講（kám-kóng）：難道說

佇（tī）：在

電火（tiān-hué）：電燈

下跤（ē-kha） ：下面

大心氣（tuā-sim-khuì）：喘不過氣

烏球（oo-kiû）：黑球

傍（pn̄g）：依靠、依附、託附

茶栽（tê-tsai）：茶的幼苗

雺霧（bông-bū）：霧

按（àn）：從

焦涸涸（ta-khok-khok）：乾涸

空喙（khang-tshuì）：傷口

拗鬱（áu-ut）：抱屈。因受委屈，心中感到不平。

蒂頭（tì-thâu）：植物的果實和莖或枝相連接的部位

共（kā）：把

蟲豸（thâng-thuā）： 昆蟲的通稱 

捻（liàm）：捏、擰

當（tng）：正逢

飽滇（pá-tīnn）：充足飽滿

略略仔（lio̍h-lio̍h-á）：稍微

咧（--leh）：接在動詞後，置於句尾，說成輕聲，表示時間短。

著（tio̍h）：得、要、必須

【作者紹介】tsok-tsiá siāu-kài

嘉義民雄人，嘉義高中，中山大學中文系，台師大國文研究所出業。

用心推捒台語文，予人稱呼作「台文里長伯」。

嘉義民雄人，嘉義高中，中山大學中文系，台師大國文研究所畢業。

用心推廣台語文，被人稱為「台文里長伯」。

捌任《重現台灣史》主編，《聯合文學》執行主編，教育廣播電台《拍破台語顛倒勇》主持人。

詩集：《時刻表》，《黑白片中要大笑》、《我就欲來去》

散文：《海邊有夠熱情》，《基隆的氣味》（和鄭栗兒合寫），《台語好日子》，《夜在路的盡頭挽髮》。

小說：《家工廠》，《晃遊地》，《大士爺厚火氣》。

繪本：《仙化伯的烏金人生》。

劇本：歌仔戲《化作北風》（和宋厚寬合寫）。

歌詞：嬉班子《赤跤紳士》專輯之〈風吹田洋〉，〈猶原是我〉，〈山苦瓜〉，《冬之旅──台語爵士浪遊》。

【美麗的台語詩分享】

今天要分享的是鄭順聰老師 @jinsingkhahsutsitkusi 的詩作〈愛若是失去慾望，彼是火烌〉，收錄在老師的台語詩集《我就欲來去》（前衛出版 @avanguardbook ），也是一本有聲書。初讀這首詩感到非常震撼，感受到深邃的力道又兼具神秘的美感，像是有神秘的漩渦讓我深受吸引，反覆琢磨。

這本詩集呈現了台語的深度和力量，但是使用的詞彙也比較深，對於台語初學者相對比較困難（甚至我父母也有不會的字），希望藉著註釋，讓大家可以一起欣賞老師這首「媠氣 suí-khuì（美麗）」的詩，也推薦有台文基礎的人可以閱讀老師的詩集，台語的能力將更上一層樓！

台語的初學者也可以閱讀老師的《台語好日子》和《台語心花開》，老師以華語書寫，分享自身學習台語的經驗和挑選生活中的各種主題來介紹台語！

此外，讀過《浪鳥集》的人就知道，鄭順聰老師是詩集的審定者，也是《浪鳥集》的重要推手。老師對於台語推廣不留餘力，追蹤老師的社群帳號，你可以學習台語字彙、收集台文書單，還可以跟上最新發行的台語歌，不愧是人稱「台文里長伯」的順聰老師！

＊感謝鄭順聰老師授權分享

夢想 ◎李桂媚

夢想 Bāng-sióng

◎李桂媚 Lí Kuì-bī

青春是一張閣一張

Tshing-tshun sī tsi̍t tiunn koh tsi̍t tiunn

日頭光寫的批

ji̍t-thâu-kng siá ê phue

行過白茫茫的海湧

kiânn-kuè pe̍h-bâng-bâng ê hái-íng

按大海彼頭

àn tuā-hái hit-thâu

倒轉來

tò-tńg--lâi

佇天佮雲中間

tī thinn kap hûn tiong-kan

溫暖這个世界

un-luán tsit-ê sè-kài

——《月光情批》，秀威資訊出版

"Gua̍t-kng tsîng-phue"

【註解】tsù-kái

日頭光（ji̍t-thâu-kng）：陽光　

批（phue）：信　　　

海湧（hái-ing）：海浪

按（àn）：從　

彼頭（hit-thâu）：那端　　　

倒轉來（tò-tńg--lâi）：回來

佇（tī）：在

佮（kah）：和　　　

這个（tsit-ê）：這個，台羅也可以寫「tsit ê」

【作者紹介】tsok-tsiá siāu-kài

彰化縣人，中國文化大學印刷傳播學系工學士，國立臺北教育大學臺灣文化研究所文學碩士，曾任《吹鼓吹詩論壇》主編。榮獲106年教育部閩客語文學獎閩南語現代詩社會組第二名，著有報導文學集《詩人本事》、《詩路尋光：詩人本事》，詩集《自然有詩》、《月光情批：李桂媚臺語詩集》、《掛念──李桂媚台語詩集》，論文集《色彩‧符號‧圖象的詩重奏》；編有《在現實的裂縫萌芽：岩上學術研討會論文集》。發表有學術論文〈論向陽現代詩的四季意象〉等十餘篇，並曾為《逗陣來唱囡仔歌Ｉ、ＩV》、《向課本作家學習寫作：用超強心智圖解析作文》、《愛上寫作的11種方法》等書繪畫插圖。

【美麗的台語詩分享】

今天要分享的是李桂媚老師《月光情批》（秀威資訊出版）中的最後一首詩〈夢想〉，桂媚老師的詩句優雅、意境優美，詩集還有華語註釋，非常推薦給台語學習者。

說一件令人不可相信的事，寫出這麼優美的詩句的李桂媚老師，原本「無感覺家己袂曉台語」，意思就是「不覺得自己會台語」，然而，他創作了一首又一首精彩的台語詩，還出了兩本台語詩集！

李桂媚老師在詩集的〈話尾：寫一首詩予台灣〉（後話：寫一首詩給台灣）中提到：「只要會曉講台語，就有才調試看覓。」（只要會說台語，就有能力試試看。）

這句話令人非常的感動，文字創作是有力量的，它是語言的基底，它也能帶來語言的傳承。一個語言的活力，就在於大家在各個領域來使用它，當然也包括文學。

老師最後也提到：「向望少年朋友共同來寫一首詩予台灣。」（期望年輕朋友共同來寫一首詩給台灣。）各位台語的使用者、學習者，大家在各個領域用台語來創作吧！

＊感謝李桂媚老師授權分享